|
ຂົມແຕ່ມີປະໂຫຍດ 10 ຂໍ້ດີ ຂອງ “ມະຮະ”
ໃຜທີ່ບໍ່ມັກກິນຜັກເລີຍ ຢາກຈະບອກວ່າການກິນຜັກນັ້ນມັນດີຕໍ່ສຸຂະພາບຂອງເຮົາເປັນຢ່າງຫລາຍ ຈະເຮັດໃຫ້ແຂງແຮງ ຖ່າຍງ່າຍ ຜິວພັນສວຍງາມແລະຜັກແຕ່ລະຊະນິດກໍມີປະໂຫຍດແຕກຕ່າງກັນອອກໄປ ຄືມະຮະ ຖ້ານຳມາປັ່ນກິນທຸກເຊົ້າຈະເຮັດໃຫ້ໜ້າເດັກ ແຂງແຮງແຕ່ແທ້ໆ ມະຮະກໍບໍ່ໄດ້ມີປະໂຫຍດພຽງເທົ່ານີ້ ແຕ່ມີຄຸນປະໂຫຍດອີກຫຼວງຫຼາຍເຖິງ 10 ຂໍ້ເລີຍໄປເບິ່ງກັນ. 10 ຂໍ້ດີ ຂອງມະຮະ ຂົມແຕ່ມີປະໂຫຍດ 1.ຊ່ວຍຫຼຸດການສ່ຽງເປັນພະຍາດເບົາຫວານ ເພາະມະຮະຂົມ ບໍ່ມີຄວາມຫວານຈຶ່ງບໍ່ເປັນພະຍາດເບົາຫວານໄດ້ ແຖມຍັງຊ່ວຍເສີມການຫຼັ່ງອິນຊູລິນໃນຕັບອ່ອນ ເພື່ອລົດການສ້າງນ້ຳຕານຈາກຕັບດ້ວຍ 2.ຊ່ວຍຕ້ານອະນຸມູນອິດສະຫຼະ ຈະຊ່ວຍຫຼຸດໂອກາດໃນການເກີດມະເຮັງແລະຜິວພັນຜ່ອງໃສ ບໍ່ຫ່ຽວງ່າຍ 3.ຊ່ວຍປິ່ນປົວພະຍາດຕັບໄດ້ 4.ຊ່ວຍໃນການຈະເລີນອາຫານ ເຖິງແມ່ນຈະຂົມກໍຕາມ 5.ຊ່ວຍຂັບພະຍາດທີ່ຢູ່ໃນຕົວເຮົາໄດ້ 6.ຄັ້ນດື່ມແບບສົດໆ ເປັນຢາລະບາຍອ່ອນໆໄດ້ 7.ແກ້ອາການຂໍ້ເຂົ່າເສື່ອມ ບຳລຸງຂໍ້ກະດູກ 8.ຊ່ວຍຟອດເລືອດປິ່ນປົວພະຍາດທີ່ກ່ຽວກັບຕັບ 9.ຊ່ວຍຍ່ອຍອາຫານໄດ້ 10.ເສີມສ້າງກະດູກແລະແຂ້ວໃຫ້ແຂງແຮງຂຶ້ນ
|
|
|
ຄຸນປະໂຫຍດຂອງໝາກມອນ ແລະ ຂໍ້ຄວນລະວັງໃນການຮັບປະທານ
ໝາກມອນມີຄຸນປະໂຫຍດຕໍ່ສຸຂະພາບຢ່າງຫຼວງຫຼາຍເຊັ່ນ: ຄວບຄຸມລະດັບນ້ຳຕານໃນເລືອດ, ຊ່ວຍຫຼຸດລະດັບຄໍເລສເຕີຣໍຊະນິດທີ່ບໍ່ດີ (LDL) ແລະ ກະຕຸ້ນການສ້າງຄໍເລສເຕີຣໍຊະນິດທີ່ດີ (HDL)ພ້ອມທັງຍັງຊ່ວຍຫຼຸດໄຂມັນໃນຕັບ ແລະຄວາມສ່ຽງໄຂມັນຟອກຕັບອີກດ້ວຍ, ອຸດົມໄປດ້ວຍສານຕ້ານ ອະນຸມູນອິດສະຫຼະຊ່ວຍດູແລຜິວໃຫ້ນຸ່ມນວນ ກຳຈັດຮ່ອຍດ່າງດຳທີ່ເກີດຂຶ້ນເທິງຜິວ ແລະ ຍັງບຳລຸງຜົນ ໃຫ້ເງົາງາມ, ບຳລຸງສະໝອງ ແລະ ຫຼຸດການເກີດພາວະ ອອກຊີເດຊັນ ອັນເປັນສາຍເຫດຂອງໂລກຄວາມ ຈຳເສື່ອມ ນອກຈາກນີ້ສານຕ້ານອະນຸມູນອິດສະຫຼະ ໃນໝາກມອນກໍຍັງປ້ອງກັນບໍ່ໃຫ້ເຊລສະໝອງຖືກ ທຳລາຍ, ກະຕຸ້ນການໄຫຼວຽນຂອງເລືອດເຮັດໃຫ້ຮ່າງກາຍສາມາດສົ່ງອົກຊີແຊນເຂົ້າໄປລ້ຽງເນື້ອເຍື່ອ ແລະ ອະໄວຍະວະຕ່າງໆໄດ້ຫຼາຍຂຶ້ນ. ຂໍ້ຄວນລະວັງ ໃນການຮັບປະທານໝາກມອນເຖິງແມ່ນວ່າໝາກມອນຈະມີປະໂຫຍດຫຼາຍ ແຕ່ກໍຄວນລະມັດລະວັງໃນການ ຮັບປະທານ ໂດຍສະເພາະຜູ້ທີ່ມີອາການແພ້ໝາກມອນບໍ່ຄວນຮັບປະທານຢ່າງເດັດຂາດ ເພາະ ອາດເຮັດໃຫ້ອາການໜັກຂຶ້ນ ຂະນະທີ່ຜູ້ທີ່ເປັນເບົາຫວານກໍຄວນຮັບປະທານໃຫ້ພໍດີ ເນື່ອງຈາກເປັນໝາກໄມ້ ຫຼຸດນ້ຳຕານໃນເລືອດ ຖ້າຫາກ ຮັບປະທານຫຼາຍເກີນໄປອາດເຮັດໃຫ້ນ້ຳຕານໃນເລືອດຕ່ຳຈົນເປັນອັນຕະລາຍໄດ້ ທາງທີ່ດີກ່ອນຮັບປະທານຄວນປຶກສາຜູ້ຊ່ຽວກ່ອນແມ່ນຈະດີທີ່ສຸດ.
|
|
|
ຮັກສາແຜໃນກະເພາະອາຫານ ແລະ ລຳໄສ້ດ້ວຍນ້ຳຢານາງ
ປະໂຫຍດຂອງນ້ຳໃບຢານາງແມ່ນມີຢ່າງຫຼວງຫຼາຍບໍ່ວ່າຈະເປັນການ ເຄືອບແຜໃນກະເພາະອາຫານ ແລະ ລຳໄສ້, ປັບຄວາມສົມດຸນຂອງໂລກກົດໃນກະເພາະອາຫານທີ່ໄດ້ຜົນເປັນຢ່າງດີອີກຢ່າງໜຶ່ງລັກສະນະຂອງ ໃບຢານາງແມ່ນມີກິ່ນເໝັນຂຽວ (ບໍ່ຕ້ອງຕົກໃຈ) ຄ້າຍຄືກັນກັບໃບຜັກໜອກ ແຕ່ເມື່ອດື່ມແລ້ວຈະຮູ້ສຶກ ໄດ້ທັນທີວ່ານ້ຳໃບຢານາງມີສັບພະຄຸນ ດີກວ່ານ້ຳໃບຜັກໜອກ, ໃບຢານາງເປັນສະໝຸນໄພທາດເຢັນ ເໝາະສຳ ລັບຄົນທາດຮ້ອນ ຖ້າດື່ມເຂົ້າໄປແລ້ວຮູ້ສຶກວ່າໜາວກໍໃຫ້ຫຼຸດປະລິມານການດື່ມລົງ ເນື່ອງຈາກວ່າການເຮັດ ນ້ຳໃບຢານາງດື່ມນັ້ນບໍ່ໄດ້ຜ່ານການຕົ້ມ ຈິ່ງຄວນເກັບໄວ້ໃນຕູ້ເຢັນ ແລະ ລະວັງນ້ຳໃບຢານາງບູດກ່ອນດື່ມ.
ການເຮັດນ້ຳໃບຢານາງດື່ມໂດຍໃຊ້ເຄື່ອງປັ່ນໃຫ້ຄົງຄຸນຄ່າສານ ອາຫານແມ່ນມີເຕັກນິກຢູ່ທີ່ວິທີການປັ່ນຄື: ບໍ່ຄວນກົດປັ່ນຄັ້ງດຽວຈົນໃບຢານາງລະອຽດ ແຕ່ຄວນກົດປັ່ນແລ້ວນັບ 1-2-3-4-5 ຢ່າງດຽວ ແລ້ວກົດປິດ ລໍຖ້າໃຫ້ນ້ຳໃບຢານາງຢຸດປິ່ນແລ້ວ ກົດປັ່ນອີກຄັ້ງນັບ 1-2-3-4-5 ຢ່າງໄວແລ້ວກົດປິດ ເຮັດຊ້ຳໄປເລື້ອຍໆຈົນ ໃບຢານາງໝຸ່ນລະອຽດ ວິທີນີ້ເຮັດໃຫ້ໂມເລກຸນຂອງສານອາຫານບໍ່ປ່ຽນຮູບຮ່າງໄປຈາກເກົ່າ ສຳເລັດແລ້ວ ກໍຕອງດ້ວຍຜ້າຂາວບາງແຊ່ເຢັນໄວ້ດື່ມ ເນື່ອງຈາກບໍ່ໄດ້ຜ່ານຂະບວນການຕົ້ມ ຈິ່ງຄວນເກັບໄວ້ໃນຕູ້ເຢັນ ແລະ ກ່ອນດື່ມຄວນລະວັງຢ່າໃຫ້ນ້ຳໃບຢານາງບູດ.
|
|
|
|
|
